أولا بسم الله الرحمن الرحيم.
هاي القصة مو من تأليفي متل قصصي التانين بالموقع ... بس قرأتها وعجبتني وحبيت و اكتبها لهادا المنتدى بلغتي الخاصة ... يعني بالعامية ... واشطب وأضيف و اعدل شغلات.
كاتب او كاتبة القصة الاصلية : SGL.
------------
الجزء الاول:
كان الشتا بارد كتير هديك الليلة ... والتلج كان مغطي المكان ... في مكان ما ... كانت بلدة صغيرة محاطة بقلعة عظيمة و ابراج عالية ... وكانت هناك ملكة حلوة واقفة عالشباك بتراقب سقوط التلج على مملكتها ... بعدين راحت لسلة الغسيل مشان تنشرها على سطوح القلعة ... لأنو التلج كان كتير وما حدا من الحراس والخدم رضي يداوم هداك اليوم ... فاضطرت الملكة تنشر بنفسها .
وهي عمالها بتنشر ... شك دبوس اصبعتها من قطعة بألاواعي وصار الدم ينزف منها ...
الملكة: اه لو عندي بنت تساعدني بنشر الغسيل متل هيك ايام ... ومدامني بتمنى وبتمنى ... خليني احكي شو مواصفات البنت اللي بدي اياها ... يا رب بتمنى ترزقني بنت بياضها متل بياض هادا التلج .... و خدودها حمر متل لون هادا الدم ... ويكون لون شعرها اسو اسود متل هادا الليل.
راحت واجت الايام ... والملكة انرزقت بمولود ... بس ما كان بنت ... كان ولد ... وما كان ابيض متل التلج ... كان لونه طبيعي متل الناس العاديين ... وما كانو خدودو حمر متل الدم ... كانو بنفس لون وجهو ... وما كان لون شعره بس اسود ... كان مخلط اسود ... واشقر ... وفي اكمن خصلة حمرا.
الملكة ما خاب املها بالكامل ... بالعكس هي حبت المولود وسمتو يوغي ... وكانت اسعد أم بالعالم ... خصوصا بعد ما مات جوزها الملك ... وصارت كل المملكة والفلوس والثراء الها ولابنها ... بعد مش اكتر من اسبوع من ما مات جوزها ... الملكة عالسريع اتجوزت واحد تاني اسمو بيغاسوس.
بيغاسوس كان واحد مهووس بمراية دايما كانت تكون معاه ... كان يسميها المراية السحرية ... كان ياخدها معاه وين ما راح و وين ما اجا ... حتى الملكة ما تجرأت تسألو ليش هاي العمايل.
وطبعا بيغاسوس كان دايما يسأل مرايتو : يا مرايتي اللي معي ... احكيلي مين احلى واحد بالعالم.
المراية دايما بتجاوب: انت احلى واحد بالعالم.
طبعا المراية عارفة انو هادا المجنون ابو شعرات بيضة مو احلى واحد ... بس كانت المسكينة مضطرة تجاوبه هيك ... احسن ما كان حيخبطها بكاسة العصير اللي دايما بيشرب منها ... بالمختصر ... كانت مراية جبانة.
هادا الحكي ضل لمدة 15 سنة ... المملكة كانت عايشة بسلام و و ئام ... لكن صار اصعب و اصعب انو المراية تتجاهل جمال ابن الملكة المتزايد ... كل ما كان يوغي يكبر ... كل ما صار احلى و احلى ... وملامحو الكتكوتة الصغيرة ... كانت تخليه يبين متل كأنو عشر سنين .... وبيوم من ايام الصيف ... كانت الاقدار مخبية اشي تاني ليوغي الحلو .... لأنو بيغاسوس راح عند المراية السحرية و سألها.
بيغاسوس: يا مرايتي اللي معي ... احكيلي مين احلى واحد بالعالم.
المراية ضلت ساكتة ... مش قادرة تتجاهل جمال يوغي المو طبيعي الباهر اكتر من هيك ... فغمضت عيونها وجاوبت بكل صراحة: يوغي احلى واحد في العالم.
بيغاسوس صرخ اقوى ما عندو: لاااااااااااااااااااااااااه.
ومن الصرخة اجا يوغي يشوف ايش فيه.
يوغي: ماما ايش فيه؟
واطلع يوغي حواليه وما شاف الملكة ... لكن شاف جوز أمو واقف بنص الغرفة ... و متجمد متل اللي صايبتو جلطة عالدماغ او سكتة قلبية.
يوغي: وين الملكة ... وين ماما؟
بيغاسوس اتطلع على يوغي بنظرات كلها كراهية وحقد ... ومسكو من رقبته ... وشده لعندو وحكاله بصوت معصب: استنى اللي حيصيرلك يا امير يوغي.
---------------------------------
بليز احكولي ادا عجبتكم ... مشان اكتب الجزء الجاي.
الأربعاء مارس 12, 2008 4:17 am
